მცენარე ოთახის დეკორის მნიშვნელოვანი ნაწილია. იმის გარდა, რომ ძალიან უხდება გარემოს და დადებითად მოქმედებს განწყობაზე, ასევე ძალიან სასარგებლოა.
ოთახის მცენარეები განსაკუთრებულ მოვლას საჭიროებენ.

მისტერ მასტერი გირჩევთ: 

სწორი განლაგება- ოთახი უნდა იყოს ნათელი და ქონდეს კარგი ვენტილაცია. მცენარეები ისე უნდა განალაგოთ, რომ მზის სხივი პირდაპირ არ ეხებოდეთ, ასე ისინი ტენიანობას შეინარჩუნებენ..

დანეტიანება- სქელ ფოთლიანი მცენარეები საჭიროებენ ფოთლების დანამვას, სუსტ ფოთლიანები-არა. ჰაერის ტენიანობა კი ყველა მცენარესთვის სასარგებლოა. ტენიანობის შესანარჩუნებლად,დადგით ოთახში აკვარიუმი ან იონიზატორი.

ნიადაგის კვება- მცენარის კვება აუცილებელია მისი გაზრდისა და განვითარებისთვის. არსებობს მცენარის ორი სახის სასუქი: მშრალი და თხევადი. მათ მოყვება ინსტრუქცია, თუ რა რაოდენობით, როგორ უნდა მოიხმაროთ, კონკრეტულ მცენარესთან მიმართებაში.

სწორად შერჩეული ქოთანი- ქოთანი არ უნდა იყოს არც ძალიან დიდი, არც - პატარა.არსებობს ქოთნები, რომლებიც არეგულირებენ მორწყვის პროცესს.

გამხმარი ფოთლების მოცილება-იმისთვის, რომ მცენარემ შეინარჩუნოს ბუნებრივი სილამაზე, აუცილებელია მას გამხმარი ფოთლები მოაშოროთ. ამის გაკეთებას ხელით ან სეკატორით შეძლებთ.

სისუფთავე- მნიშვნელოვანია მცენარედან მოაშოროთ ხოლმე მტვერი. ეს პროცედურა თვეში ერთხელ გაიმეორეთ, ფოთოლზე არსებული მტვერი ამცირებს ფოტოსინთეზის პროცესს. 

განიავება- მცენარეს სჭირდება სუფთა ჰაერი, კარგ ამინდში გაიტანეთ სუფთა ჰაერზე.